Haval Abdulkarim

و ەک دەزانین لە ڕۆژی ٢٠١٤/١٢/١٥ەوە حکوومەتی هەرێمی کوردستان بە فەرمی پشتیوانیی ئەو تەختەکلیلانە  دەکات کە یونیکۆدن. لێرەدا کێشەیەک هەیە دەبێت چارەسەر بکرێت، ئەویش شێوازی نووسینی نووسراوە کۆنەکانە، چونکە ئەو فۆنتانەیان بەکاربردووە کە یۆنیکۆد نین وەک (Ali_K_Samik، Ali_K_Sahifa،...هتد). چەند کەس و گروپێک نەرمەکاڵایان ئامادەکردووە بە مەبەستی ئاسانکاری بۆ گۆڕینی دەقەکان لە نایونیکۆد بۆ یونیکۆد وەک (Razhakan،  Kurdish Key & Font Convert  ،...هتد)، ئەمانە کارەکانیان جێگای دەس تخۆشین. بەڵام ئەم نەرمەکاڵایانە بەشێوەی سەربەخۆ لە پڕۆگرامی وۆرد کار دەکەن. بە واتای ئەوەی بەکارهێنەر دەبێت دەقەکان لەبەربگرێتەوە بۆ ناو ئەم نەرمەکاڵایانە و دوای  گۆڕینی دەبێت جارێکیتر بخرێتەوە ناو پڕۆگرامی وۆرد. ئەم زیادکراوەیە چارەسەری ئەم کێشەیە دەکات بە ئاسانی. چونکە لەکاتی دامەزراندنی دەبێتە بەشێک لە پڕۆگرامی وۆرد و تەنها بە یەک کرتە دەتوانێت دەقەکان بگۆڕێت بۆ یونیکۆد. ئەم زیادکراوەیە بەشێوەی خۆڕایی بەردەستە لەم بەستەرەی خوارەوە: http://tounicode.sourceforge.net لەکاتی بوونی هەر هەڵەیەک یان دا

Plupload: ئامرازێکی خۆڕایی JavaScriptە بەکاردێت بۆ بارکردنی پەڕگە بەشێوەی کۆمەڵ بۆناو ماڵپەڕ، بنکەدراو ... هتد. ئەم ئامرازە سەرچاوەکراوەیە و گەشەپێدەرانی ماڵپەڕ و پڕۆگرامەکانی تۆڕ دەتوانن بەکاریبێنن بۆ پڕۆژەکانیان. تایبەتمەندییەکان:   - بەستنەوەی بە کۆدی پڕۆژەکان ئاسانە.   - ڕاکێشانی پەڕگەکان بۆ شوێنی بارکردن. - بارکردنی پەڕگە بەشێوەی کۆمەڵ.   - پاڵاوتنی پەڕگەکان بەپێی پێویست.   - بچووککردنەوەی قەبارەی پەڕگەی وێنە لەلای ڕاژەخواز لەکاتی پێویست.   - دەتوانێت بگەڕێتەوە سەر جێبەجێکاری وەک Flash و Silverlight لەکاتی پێویست.   - ڕووکاری زمانی کوردی تێدایە. ماڵپەڕی ئامرازی Plupload

یەکێکە لە سەرنووسەرە بەناوبانگەکان کە بۆ دەستکاریکردنی ناوەڕۆکی پەڕگەکانی ناو ماڵپەڕەکان بەکاردێت. ئەم سەرنووسەرە سەرچاوەکراوەیە و سەربەخۆیە لە سەکۆ و توانای گۆڕینی تاگەکانی HTMLی بۆ نموونەی سەرنووسەر هەیە. گەشەپێدەرانی ماڵپەڕ و پڕۆگرامەکانی تۆڕ دەتوانن بەکاریبێنن بۆ پڕۆژەکانیان. زۆرێک لە کۆمپانیا گەورەکان بەکاری دێنن، وەک؛ فەیسبووک، وۆرد پرێس، ئۆڕاکڵ، مایکڕۆسۆفت، ئای بی ئێم، جووملە ... هتد. تایبەتمەندییەکان: - بەستنەوەی بە کۆدی پڕۆژەکان ئاسانە. - دەستکاریکردنی ناوەڕۆکی پەڕگە بەشێوەی گشتی و بەشێوەی دێر. - توانای زیادکردنی پێوەکراوەی تر. - ڕووکاری زمانی کوردی تێدایە. ماڵپەڕی سەرنووسەری TinyMCE

لە ڕۆژی ئینتەرنێتێکی پارێزراوتر (Safer Internet Day)، کۆمپانیای گووگڵ لەبەرامبەر پشکنینی پارێزراوی هەژمارەکەت ٢ گێگابایت بۆشایی زیاتر دەخاتە سەر گووگڵ دڕایڤەکەت بەشێوەی هەمیشەیی وەک بەخشینێک. کۆمپانیاکە ئاماژە بەوە دەکات هەرچەندە پەڕگەکانی ناو دڕایڤ پەڕلەکراون لەکاتی ناردن و لەناو داتا سەنتەرەکانیان بەڵام ئەم هەنگاوە دڵنیاییەکی زیاتر دەدات بە بەکارهێنەر کە زانیارییەکانی بەبەردەوامی پارێزراوە لەلایەن گووگڵ. ڕۆژی ١٧ی شوباتی ٢٠١٥ وەک دوایین بەروار دانراوە بۆ ئەم پشکنینە و وەرگرتنی ٢ گێگابایتی زیاتر. ئەو بەکارهێنەرانەی ئەم پشکنینە دەکەن لە ٢٨ی شوبات بە ئیمەیڵ ئاگادار دەکرێنەوە لە زیادبوونی بۆشایی دڕایڤەکەیان. لە ئێستادا هەر هەژمارێکی ئاسایی گووگڵ ١٥ گێگابایت بۆشایی هەیە بۆ هەموو ئەو خزمەتگوزاریانەی بەکاری دێنێت. هەنگاوەکانی پشکنین: - ئەم بەستەرە بکەوە http://goo.gl/ccgyV0 - ئەگەر داوای ناوی بەکارهێنەر و تێپەڕەوشەی کرد داخڵی دەکەیت. - لە چەند هەنگاوێکدا پێداچوونەوە بۆ زانیارییەکانی هەژمارەکەت دەکەیت. - لە دوا هەنگاو چەند خانەیەکی سەوزی ڕاست لێدراو دەبینی کە واتای ئەوەیە پشکنینەکەت تەواو ک